Të paktën nëntë avionë luftarakë rusë janë shkatërruar nga shpërthimi i fuqishëm ditën e djeshme në aeroportin e Krimesë.
Pamjet satelitore tregojnë dëmin e madh që ka shkaktuar shpërthimi, duke nxjerrë jashtë përdorimit edhe vetë aeroportin.
Në këtë bazë, Rusia kishte dërguar avionë luftarakë të modeleve Su-30SM, Su-24MR dhe Il-76.
Dyshohet që shpërthimi të mos ketë ardhur nga ndonjë sulm me raketa ukrainase, kjo pasi aeroporti i Krimesë është të paktën 300 kilometra larg territoreve të kontrolluara nga Ukraina, një distancë të cilën Ukraina aktualisht nuk ka raketa që mund ta përshkuajnë.
Dy mundësi të tjera janë që shpërthimi të ketë ardhur si pasojë e gabimit njerëzor, siç edhe deklaroi Kremlini, ose të ketë qenë rezultat i sabotimit.
