Ministrja e Shëndetësisë Ogerta Manastirliu ka garantuar qytetarët se nuk do të ketë rritje të çmimeve të shërbimeve dentare në vend.
Ajo bëri me dije se Ministria e Shëndetësisë ka çuar në gjykatë një kërkesë padi pasi ky është një vendim i paligjshëm.
‘Ministria e kundërshtuar këtë vendim, pasi është i pazbatueshëm. Urdhri i Stomatologut ka kaluar kompetencat. Ne kemi dërguar në gjykatë një kërkesë padi për anulimin e këtij ligji. Garantojmë qytetarët që nuk do të ketë rritje të tarifave dysheme, pasi nuk është kompetencë e Urdhrit ky vendim.
Të gjitha organet janë duke bashkëpunuar. Vendimi është i pa aplikueshëm dhe i pabazuar në ligj. Ndaj jo vetëm ministria e Shëndetësisë, por edhe instancat e tjera që janë pjesë e kësaj iniciative janë nën vëzhgim. Por garantojmë qytetarët që nuk do të ketë asnjë aplikim të asnjë vendimi që është në tejkalim të kompetencave‘, u shpreh Manastirliu.
