Ditën e djeshme qendra e Tiranës u shëndërrua në një arenë vrapi, duke krijuar një atmosferë krejt ndryshe nga ajo që na ofron kryeqyteti në ditët e tjera të zakonshme.
500 vrapues nga 40 shtete ishin pjesë e kësaj gare që u finalizua edhe me shpalljen e fituesve.
Nëpër rrugët e Tiranës u panë vrapues të grupmoshave të ndryshme, ndërsa shumë sy kuriozë ndalonin anës rrugëve duke shijuar atmosferën.
Por, e gjithë ky eveniment është shoqëruar edhe me një incident të vogël, moment që është publikuar nga vetë kryebashkiaku i Tiranës, Erjon Veliaj.
“Cfare s’u pa gjate maratones! Faleminderit kolegeve Bashkia Tirane, u kujdesen te ndihmonin si 2-kembeshat ashtu dhe 4-putroshet ne nevoje”, shkruan Veliaj, ndërsa poston këtë video ku punonjësit e Task-Forcës shfaqen duke hapur parakolpin e makinës, pasi brenda saj ndodhej një mace.
Nuk dihet si e kanë kuptuar punonjësit që diçka e tepërt ndodhej brenda automjetit, por gjesti i tyre, duke shpëtuar jetën një maceje është përshëndetur nga të gjithë, përfshirë edhe kryebashkiakun.
