Deputeti socialist Erion Braçe ka folur në foltoren e Kuvendit lidhur me projekligjin për fondet e pensionit privat. Ai tha se reformat e pensioneve gjatë këtyre 30 viteve të fundit, kanë rregulluar pensionet e pensionistëve të rinj, mirëpo jo të atyre që kishin dalë ndërkohë në pension. Prandaj sipas tij vendimet përgjatë 5 viteve të fundit lidhur me pensionet kanë qënë të rëndëishme, mirëpo jo të mjaftueshme.
Gjithashtu ai ka risjelljë dhe njëherë në vëmendje faktin e mosnjohjes së pensionëve të emigrantëve shqiptarë në Greqi. Braçe theksoi se emigrantët në Greqi nuk marrin dot numër të sigurimit shoqëror pasi sistemi i tyre është i ngadaltë dhe burokratik, prandaj dhe duhet dhe një marrëveshje. Më tej ai thekson se në Greqi kanë shpërthyer protestat për paratë e tyre, dhe jo për kryebashkiakun e zgjedhur të Himarës, Fredi Belerin.
“Besimi i shqiptarëve në këta skena pensionesh, ka qenë qartë mosfunksionimi. Pensionet e prindërve jo vetëm tanëve, por gjithkujt. Ato janë halli! Kur thash të enjten që shkoi se pensione do të indeksohen me 8.6% këtu nuk mori vëmendje se halli është kush të bëhet kryetari i PD-së. A thua se nuk është më ai përhershmi.
Kushdo që ka ndërmarrë reformë pensionesh ka menduar për ata që do të dalin në pension dhe ajo ata që kanë dalë në pension. Këtu të gjithë ata që kanë pensionin dënohen me pamjaftueshmëri dhe thonë me të drejtë nuk del. Të ardhurat nuk dalin edhe pavarësisht faktit të indeksimit. Ata që dalin në pension tani kanë një pension shumë më të mirë sesa të ngjashmit e tyre. Duhet një zgjidhje e re për pensionet që kemi. Për të gjithë që dalin në pension zgjidhja është dhënë.
Qeveria e Greqisë ua ka njohur gjerësisht sigurimet shoqërore dhe atyre në Serbi. Emigrantët në Greqi nuk marrin dot numër të sigurimit shoqëror pasi sistemi i tyre është i ngadaltë dhe burokratik. Sot në Greqi kanë dalë në grevë për paratë e tyre dhe jo për Fredi Belerin. Kjo çështje as nuk diskutohet“, tha Braçe.
