Dhjetëra mijëra përdorues në mbarë botën kanë raportuar se nuk janë në gjendje të kenë qasje në shërbimet e Microsoft, duke përfshirë Teams dhe Outlook.
Downdetector, i cili gjurmon ndërprerjet e faqeve në internet, tregoi se më shumë se 5,000 njerëz në Mbretërinë e Bashkuar kishin raportuar se shërbimi i postës elektronike Outlook ishte i paarritshëm.
Shërbime të tjera, përfshirë Teams dhe Xbox Live, u raportuan gjithashtu nga përdoruesit se nuk po funksionojnë.
Në një prononcim Microsoft tha se është duke hetuar ndërprerjen. Ata thanë se kishte “izoluar problemin në çështjet e konfigurimit të rrjetit” dhe po analizonte “strategjinë më të mirë zbutëse për t’i adresuar këto pa shkaktuar ndikime shtesë”.
Microsoft Teams përdoret nga më shumë se 280 milionë njerëz në mbarë botën, kryesisht në biznese dhe shkolla, ku mund të jetë me rëndësi kritike për thirrjet, takimet dhe organizimin e shërbimeve të përgjithshme.