Presidenti i SHBA, Joe Biden ka mbajtur fjalën në Asamblenë e Përgjithshme të OKB-së. Biden u bëri thirrje sot liderëve botërorë që të qëndrojnë në krah të Ukrainës dhe kundër pushtuesve rusë.
“Rusia beson se bota do të lodhet dhe do të lejojë të brutalizojë Ukrainën pa pasoja. Nëse lejojmë copëtimin e Ukrainës, a është e sigurt pavarësia e ndonjë vendi?” ths ai.
Salla duartrokiti Bidenin, kur tha se SHBA dhee aleatët e saj do të qëndronin pranë Ukrainës në luftën e saj për liri.
“Rusia është tërësisht përgjegjëse për këtë luftë. Vetëm Rusia ka fuqinë për t’i dhënë fund kësaj lufte menjëherë”, tha ai ndër të tjera.
Presidenti amerikan argumentoi se pushtimi rus i Ukrainës dhe pushtimi i territoreve të Ukrainës nga Rusia shkelin Kartën themeluese të OKB-së.