Ka mbërritur ditën e sotme në Kosovë, batalioni i Brigadës 65 të Mekanizuar të Këmbësorisë turke.
Ministria e Mbrojtjes turke ka konfirmuar sot nisjen e një batalioni me ushtarë turq, për të mbështetur misionin e NATO-s në Kosovë, KFOR.
Përmes pamjeve të publikuara në Twitter nga autoritetet turke, shihen dhjetëra ushtarë të nisur drejt Veriut të Kosovës për të lehtësuar punën e ushtarëve të KFOR-it në uljen e tensioneve.
Ndërkohë Erdogan ka thënë se e vetmja rrugë për paqe dhe stabilitet në rajon është procesi i dialogur Prishtinë-Beograd. Presidenti turk theksoi se Turqia është e gatshme të japë ndihmën e saj në këtë proces.
Kujtojmë që pas përshkallëzimit të tensioneve në komunën e Zveçanit, 30 ushtarë të KFOR dhe 52 protestues serb mbetën të plagosur. Kjo nxiti qe NATO të dërgojë edhe 700 trupa shtesë për stabilimin e mjedisit në Veri.