Kryetari i Partisë Demokratike,, Lulzim Basha ka folur mbrëmjen e sotme për ngjarjet e rënda në veri të Kosovës, ku grupe terroriste serbe sulmuan mëngjesin e së dielës Polcinë e Kosovës, ku mbeti i vrarë efektivi Afrim Bunjaku.
Kryedemokrati u shpreh në njjë lidhje direkte në “Open” se ky është një skenar që Serbia të marrë kontrollin e veriut të Kosovës. Ai theksoi se synimi i Vuçiçit është marrja e territorit, ndërsa shtoi se muajt e fundit ne veri janë trafikuar sasi të mëdha armatimi. Mes të tjerash Basha tha se Vuçiç po nderon agresorët në vend që t’i dënonte.
Basha: Plan dhe strategji e hartuar prej shumë kohësh nga Kremlinin. Skenari është në shpalosje prej kohësh, por akti i parë ishte marrja me forcë e Veriut. Dështimi i këtij skenari, meritë e faktorit euroatlantik dhe policisë së Kosovës, që iu përgjigj me efektivitet.Kjo është marrje e autorësisë nga Beogradi, pritej që të kishte dënime. Është e qartë që Vuçiç po merr autorësinë. Në vend që t’i denonte po i nderon vikrimat.
Për sa kohë Serbia nuk heq dorë nga strategjia e ashtuquajtur ‘bota serbe, e marrjes nën kontroll të vendeve të Ballkanit, siç është veriu i Kosovës, apo rasti i zaptimit të Malit të Zi, duke penguar formimin e qeverisë, bëhet fjalë për një skenar ndoshta dhe me ndihmën e Rusisë, për të vënë nën kontroll veriun e Kosovës.
Ngjarja e ditës së diel është nxitja dhe sponsorizim nga Serbia. Ndoshta kërkohet vënia nën kontroll të dhunshëm të veriut të Kosovës. Në këtë kuadër e shoh si shfaqjen e plotë të qëllimeve të Serbisë.Duhet t’i jepet përgjigje e merituar këtij skenari. Për këtë ka vetëm një përgjegjës dhe këtë e dinë BE, SHBA. Vuçiç kërkon që dialogu të mos ketë sukses. Zvarritja është strategjia e Vuçiç, kërkon që të blejë kohë.
Pyetje: Roli i Kurtit në këtë krizë, a ka bërë akte provokuese?
Basha: Nuk komentoj qëndrimet e kryeministrit Kurtit, çfarë kam i përcjellë vetë. E rëndësishme është që të rikthehemi tek një çështje e pazgjidhur e Kosovës. Ky është momenti që vë në dukje sesa e brishtë është situata. Thirrja që kam është njohja e Kosovës nga katër vendeve anëtare të NATO-s. Detyra e Shqipërisë është të jetë në mbështetje të Kosovës, të mos bëjë asgjë pa koordinim me Kosovën. Situata është tepër delikate për të bërë loja politike.
Ne nuk duhet të kemi asnjë iluzion., Synimi i parë i Vuçiç është që të marrë territor. Ky është një rikthim i konceptit të shteteve etnike. Sipas burimeve që unë kam, muajt e fundit ne veri janë trafikuar sasi të mëdha armatimi. Tani është koha për të falenderuar Policinë e Kosovës dhe i shpreh dhe njëherë ngushëllimet familjes Bunjaku. Kosova ka treguar se ëstë në gjendje për të mbrojtur lirinë e dinjitetin.
