Shumë “ledhatime” për Lionel Messi dhe një frazë ironike dedikuar fituesit të Topit të Artë, Cristiano Ronaldo. Presidenti i Barçës, Josep Maria Bartomeu, ka lavdëruar “Pleshtin” argjentinas në një intervistë për TV zyrtare të katalanasve.
“Leo mbetet numri 1 në botë edhe pse çmimet i ngrenë të tjerë futbollistë. Duhej ti kishin dhënë Topin e Artë 2014 pavarësisht gjithçkaje, për njeriun që është dhe për mënyrën sesi luan futboll. Ai është nën kontratë me ne dhe nuk ka asnjë arsye që ta shesim Messi, apo ndonjë koleg të tijin” tha presidenti i Barcelonës.
Bartomeu iu rikthye dhe të ashtuquajturve konflikte Brenda dhomave të zhveshjes, duke nisur nga marrëdhënia e tensionuar mes Leos dhe Luis Enrique: “Ju kujtoj se që të dy përgënjeshtruan ato që janë thënë. Kërkesa e lartë e trajnerit është një virtyt, dhe ne e dimë sa ngulmues është ai”.