Banorët e zonës së Kombinatit në Tiranë kanë protestuar sot për mbifaturimin e ujit të pishëm. Sipas tyre, faturat janë dyfishuar duke u bërë kështu e papërballueshme për banorët e zonës.
Ata kërkojnë që të zgjidhet ky problem sa më shpejt, ndërkohë që kanë bllokuar edhe rrugën kryesore. Përveç banorëve në protestë ndodhen edhe pronarët e bizneseve të zonës, ndërkohë që Ministri i Brendshëm Saimir Tahiri ka arritur në vendngjarje për të bindur protestuesit të hapin rrugën dhe të negociojë me ta për faturat e ujit.