Banorët e Bërxullës edhe këtë të dielë kanë dalë në protestë. Shkak i ngritjes në protestë është bërë ndërtimi i rrugës Thumanë-Kashar, pjesë e autostradës Milot –Fier.
Me ndryshimin e projektit banorët shprehen se parashikohet të shemben 20 banesa të tjera. Ata kanë dalë në rrugë dhe kanë bllokuar qarkullimin e makinave për në Rinas.
Një nga banorët herën e kaluar ka kërcënuar dhe në vetëflijim. Ai për media sit tha se nuk do ta bënte këtë gjë pasi i ka dhënë fjalën vajzës.
Mirëpo në një moment ai ka nxerrë një shishe me benzinë dhe ndërhyrja e policisë ka qenë e menjëhershme për të parandaluar ndodnjë ngjarje të mundshme.
“Rracë më e poshtër nuk ka. Ky është ai që vret. Ky të merr pronën. Nuk lë gjë pa bërë. Zoti e ka bërë këtë muaj. Por këto nuk duan asgjë. Ky popull është i gjithi në agjërim përveç atyre që janë sëmurë. Shtetit po ia numërojnë përditë për këtë masakër që bën. Ku është prokuroria, gjykata, SPAK-u?! Tallen atje në karrige. Radhën tjetër thashë do flijoj veten. Sot nuk e bëj. I kam dhënë besën vajzave të mia në Itali. Është krim të vrasësh veten për këta. Por të detyrojnë duke u tallur me popullin. Nuk është dhënë as dëmshpërblimi i asaj rruge”, tha ai.