Kroacia i ka dhënë dritën jeshile Maqedonisë së Veriut për t’u anëtarësuar në NATO.
Kuvendi i Kroacisë ka miratuar sot me 116 vota pro dhe 2 kundër anëtarësimin, ndërkohë që prezent ka qenë delegacioni i Maqedonisë së Veriut i udhëhequr nga zëvendëskryetarja e Kuvendit, Frosina Remenski.
‘Urojmë Maqedoninë e Veriut’, tha kryetari i Kuvendit kroat Gordan Jandrokoviç pas përfundmimit të votimit.
Ndërkohë që kujtojmë se deri më tani 5 shtete kanë miratuar Protokollin për anëtarësimin në NATO të Maqedonisë së Veriut, duke përfshirë këtu Greqinë, Shqipërinë, Slloveninë dhe Bullgarinë.