Analisti Andi Bushati, një nga zërat më kritikë të medias shqiptare denoncon censurimin në pasqyrimin e fjalës së tij.
Bushati thotë se mbrëmë mediat kanë zbardhur çfarë tha për Ramën, Metën e Bashën por zhdukën pjesën për Veliajn.
“Isha sot në News 24 në rubrikën Opinion. Dhe si gjithnjë mediat online zbardhën çfarë kritikash kisha për Ramën, Metën, Bashën…vetëm një pjesë ishte zhdukur nga të gjitha mediat. Pjesa ku fola për Velinë dhe ndërtimin e ri që po bëhet tek ish parku i autobuzave..”, shkruan analisti Bushati duke përforcuar kështu zërat që thonë se media po censuron protestën e qytetarëve te ish- parku i autobusave, me “porosi” të kryebashkiakut të Tiranës.