Ambasadorja e SHBA në Tiranë Yuri Kim, ka mbërritur paraditen e sotme në ambientet e Kryesisë së Kuvendit. Diplomatja e lartë amerikane është takuar me kryetarin e Komisionit të Ekonomisë, socialistin Eduard Shalsi.
Gjithashtu, në takim me ambasadoren e SHBA është dhe nënkryetarja demokrate e këtij Komisioni, Sorina Koti.
Deri tani nuk ka detaje të tjera pasi mbledhja është duke vijuar, por paraprakisht bëhet me dije se vizita e disatë e Kim në ambientet e Kuvendit lidhet me nismën e qeverisë për Amnistinë Fiskale. Ditë më parë, ambasadorja takoi dhe deputeten Jorida Tabaku.
Ajo kërkoi nga opozita, grupimi i drejtuar nga Enkelejd Alibeaj në Kuvend, të bëjë opozitë të fortë kundër miratimit të kësaj nisme. Sipas SHBA dhe vendeve të tjer atë BE, kjo Amnistia Fiskale paraqet rrezik për pastrimin e parave dhe rrugën e Shqipërisë drejt Europës.
