Ambasadorja e SHBA në Tiranë, Yuri Kim është takuar sot me kryetaren e re të Shërbimit Informativ Shtetëror, Vlora Hyseni.
Në një njoftim për mediat, Ambasada e SHBA në Tiranë thotë se Kim e uroi Hysenin për detyrën e rëndësishme. Ambasadorja Kim gjithashtu theksoi rëndësinë e bashkëpunimit të fortë të SHBA-së dhe Shqipërisë në fushën e sigurisë kombëtare dhe inteligjencës.
“Ambasadorja e SHBA në Tiranë, Yuri Kim ka takuar sot Vlora Hysenin, Drejtoreshën e Shërbimit Informativ Shtetëror, për ta uruar për emërimin e ri dhe për t’i uruar suksese në këtë rol të rëndësishëm.
Të dyja ranë dakord për rëndësinë e bashkëpunimit të fortë SHBA-Shqipëri në sigurinë kombëtare dhe inteligjencën. Ambasadorja Kim shprehu gjithashtu mbështetjen për përpjekjet e reja për të siguruar që Shqipëria të jetë në gjendje të përballojë me efektivitet sfidat”, njofton Ambasada e SHBA në Tiranë.
