Ambasadorja e SHBA Yuri Kim është takuar këtë të mërkurë me kreun e Unionit të Gazetarëve Shqiptarë, Aleksandër Çipa. Shefja e diplomacisë amerikane në Tiranë ka theksuar se liria dhe sigurua e gazetarëve është thelbësore.
“Ambasdorja e SHBA Yuri Kim u takua me z. Aleksandër Çipa, kreu i Unionit të Gazetarëve Shqiptarë për të ritheksuar mbështetjen e SHBA-së për një media të pavarur dhe të lirë, e cila është jetike për demokracinë e Shqipërisë dhe rrugën drejt BE-së.
Ambasadorja Kim theksoi se për Shtetet e Bashkuara, liria dhe siguria e gazetarëve janë thelbësore.
Ajo shprehu shqetësimin për sulmet dhe kërcënimet e fundit ndaj gazetarëve dhe kërkoi solidaritet mes gazetarëve për të dënuar sulme të tilla dhe për të kërkuar përgjegjësi. Kërcënimet dhe sulmet ndaj mediave dhe gazetarëve janë kërcënime kundër demokracisë”, thuhet në njoftimin e Ambasadës së SHBA.
Independent media is essential for democracy. We stand with reporters who ask tough questions, demand real answers, & investigate issues of public interest. Reporters should not be attacked for doing their job. https://t.co/tHFCvlcThJ
— Ambassador Yuri Kim (@USAmbAlbania) February 1, 2023
