Kryeministri i Kosovës Albin Kurti ka hedhur votën e tij në zgjedhjet që po mbahen ditën e sotme për të zgjedhur kryetarët e komunave.
Në deklaratën e tij për mediat, ai u bëri thirrje qytetarëve që të votojnë dhe ta shfrytëzojnë këtë moment barazie, teksa shtoi se do të punojë në fuqizimin e komunave.
“Sapo ushtrova të drejtën për të votuar. Sot vendosin qytetarët e Kosovës kush do të jenë udhëheqësit e tyre. Inkurajo të gjithë qytetarët, pa dallim, që ta shfrytëzojnë këtë moment barazie. Si Kryeministër, unë bashkë me qeverinë tonë do të punoj e bashkëpunoj shumë ngushtë në fuqizimin e komunave. 4 vite të mbara i presin qytetarët e Kosovës në të gjitha komunat ku jetojnë banojnë dhe punojnë”, u shpreh Kurti jashtë qendrës së votimit.