Aktori i njohur amerikan Danny Glover prej disa ditësh ndodhet në vendin tonë.
Ka qenë Muzeu Historik dhe Etnografik në Krujë që ka shpërndarë disa foto facebook, ku shihet se aktori ka vizituar muzeun me disapersona që e shoqëronin, teksa ka parë edhe filmin e Skëndërbeut.
Po ashtu aktori amerikan ka pozuar me aktorin Kastriot Çaushi, i cili është dhe rektor i Akademisë së Arteve në Tiranë. Në këtë foto Glover shihet i veshur me fanellën kuqezi të Kombëtares shqiptare.
Kujtojmë që vizita e Glover vjen pas ftesës që bashkia Tiranë i ka dërguar atij për të mësuar më shumë mbi heroin tonë kombëtar Gjergj Kastriot Skënderbeun dhe historinë e Shqipërisë.
