Një tjetër autobus është aksidentuar ditën e sotme në Tiranë. Bëhet fjalë për autobusin e zonës së Freskut, i cili siç shihet nga pamjet e mëposhtme, ka humbur kontrollin, duke përfunduar në pjesën e përparme të një lokali.
Fatmirësisht nuk raportohet për persona të lënduar. Theksojmë se kjo është e disata herë që autobusat në Tiranë përfshihen në aksidente.
Video e marrë nga JOQ
View this post on Instagram
Kujtojmë se një autobus i linjës “Green line” u aksidentua në zonën e “Shallvareve”, pa muaj më parë ku mori para disa mjete, duke shkaktuar disa të plagosur. Ndërsa një vit më parë autobusi “Green Line” i linjës së “Unazës” u përplas me një makinë dhe përfundoi në lumin e Lanës.
Në atë kohë u plagosën pesë qytetarë dhe urbani përfundoi në lumin Lana bashkë me shoferin e një makine tjetër, të cilin autobusi e mori përpara. Paraprakisht, u raportua se urbani kishte marrë shpejtësi vetë dhe nga xhirot shkaktoi aksident e përfundoi në lumë.