Një aksident i rëndë ka ndodhur pasditen e sotme në aksin Korçë-Bilisht, në afërsi të fshatit Cangonj. Sipas informacioneve paraprake mësohet se një mjeti tip “Benz” është përplasur me një tjetër automjet të tipit “Volkswagen “ i cili si pasojë është përmbysur në anë të rrugës.
Si pasojë e aksidentit kanë mbetur të plagosur tre persona të cilët me urgjencë janë nisur drejt spitalit të Korçës.
Deri më tani nuk dihet gjendja shëndetësore e të plagosurve apo identiteti i tyre, ndërkohë policia ndodhet në vendin e ngjarjes dhe po punon për zbardhjen e shkaqeve të aksidentit.