2016 po hyn me një lajm të gëzueshëm për shqiptarët. Vetëm dy vite pas vizitës të zhvilluar në Tiranë, Papa Françesk pritet të vizitojë në 2016 Kosovën.
Lajmi bëhet i ditur nga agjencia franceze e lajmeve “AFP”, burime të së cilës në Vatikan e konfirmojnë diçka të tillë. Vizita e Papa Françesk në Prishtinë do të ishte historike për disa arsye. Kjo vizitë do të shënonte vizitën e parë në histori të një kreu të Kishës Katolike në Kosovë.
Gjithashtu, fakti që Vatikani nuk e ka njohur ende pavarësinë e Kosovës, vizita mund të sjellë lëvizje pozitive në këtë drejtim. Megjithatë, lajmi nuk është konfirmuar nga Vatikani, por diçka e tillë pritet në javën në vijim.
Në gjysmën e dytë të vitit 2016 është parashikuar edhe shenjtërimi i Nënë Terezës nga vetë Papa.
Udhëtimet zyrtare të planifikuara për Papa Françesk në vitin 2016 janë në Meksikë, Amerikën e Jugut (Argjentinë, Kili, Uruguaji), Poloni, Armeni dhe Maltë.