Has 2018. Nga Anna Shkreli
– Artikulli që shitet me shumicë janë kutitë e Dominove, të cilat zënë pjesën kryesore të vitrinave. Ndërsa dy produktet ushqimore me shumicë të dyqanit janë: kovat me speca turshi e mazë, me të cilat shoqërohet rakia dhe sigurisht dominotë.
– Bulevardi është 100 metra gjithsej, madje 100 me hatër. E megjithatë ka dy emra: gjysma parë quhet “Dëshmorët e Hasit”, e dyta quhet “Lidhja e Prizrenit”. Nga tabela në tabelë janë 12 hapa. Pikëlidhja mes të dyjave është dyqani dominove.
– E folura është komplet dialektore dhe diatopia nuk njeh moshë. Dmth flasin njësoj gjyshi me nipin, në kuptimin që nipi flet si gjyshi. Derivat i pastër i pasditeve të shpenzuara duke luajtuar domino, me siguri.
– Hoteli është “the crib of love” ku çdo gjë sugjeron mbrëmje dashurie: jastëk me zemra fanellate të shpërndara nëpër krevat, çarçafë të bardhë me pala korenti që varen anës krevatit. Sanitarët në tualet mbështeten mbi kapitele porcelani të stilit dorik. Vetëm se gra për dashni, rrugëve s’të zë syri. Do jenë…
