Ish-presidenti Bujar Nishani ka folur mbrëmjen e sotme për rikthimin e ish-kryeministrit Sali Berisha në krye të Partsië Demokratike.
Nishani u shpreh se deklaratën e Berishës për të marrë drejtimin e PD e sheh si një mesazh të qartë për anëtarësinë e PD, që është më e dobët se kurrë.
Pyetje: Rikthimi i Berishës në PD?
Nishani: Me aq sa mund të bëj deduksionin tim, kjo është një deklaratë që nuk është emocionale, por një mesazh i gjerë për anëtarësinë e PD, kurrë në 30 vite nuk ka qenë më e dobët se sot dhe më këtë mesazh Berisha ngre alarmin se partia është duke shkuar keq e më keq. Ne jemi përballë asaj që përfaqëson sot Basha pamundësinë për të çuar PD në fitore dhe cilido që do të ishte, ne do të ishim të gatshëm të bëhej kjo, pasi PD nuk ka shans që me Lulzim Bashën të mundë Edi Ramën.