Mbrëmjen e sotme u shpall dhe fituesi i Konkursit Ndërkombëtar mes 5 studiove prestigjoze të arkitekturës, për një ndërtim të ri ambicioz në qendër të Tiranës.
Fitues u shpall kompanisë daneze Cebra. Shpallja e fituesit u bë nga një prej anëtarëve të jurisë, i cili tha ndër të tjera se ky projekt mori konsensusin e madh për hapësirën urbane të Tiranës.
RKryeministri Edi Rama në një postim në rrjetet sociale shkruan “se ky projekt do të forcojë më tej profilin e metropolit rajonal të së ardhmes për kryeqytetin tone”.
“Pas një diskutimi jashtëzakonisht të ngushtë dhe pasionant, juria vendosi të pranojë projektin Cebra si fitues të këtij konkursi.
Projekti që mori konsensusin më të madh për hapësirën urbane të Tiranës.
Ne do të rekomandonim që zgjidhja të zhvillohet dhe për tu bërë pjesë reale e hapësirave publike, pjesa e drejtë e fasadës duhet të përmirësohet, për të arritur të njëjtën cilësi si të fasadave të tjera të artikuluar”, tha përfaqësuesi i juris, Stefano Boeri.
